top of page
  • 作家相片Hayley

【港版馬爾代夫】 大浪西灣🌊

已更新:2021年7月9日


被譽為「港版馬爾代夫」嘅大浪西灣(西灣),位於西貢東郊野公園內,與鹹田灣、大灣及東灣稱為西貢四灣,曾獲選為「香港十大自然勝景」的第一名。 大浪西灣泳灘並非康文署轄下嘅沙灘(沒有救生員當值,不諳水性嘅朋友要注意哦!),所以不少主人都會帶狗狗嚟暢泳,消一消暑,爽啊!

由於小二呢隻水狗太鍾意游水,為防佢中途游得太累,或游得太遠,所以準備狗狗用嘅泳衣,以防萬一(主人絕對是個緊張大師!!🙈)。


我哋首先喺西貢碼頭向船家買飛,但出發往大浪西灣嘅船比較少,只有大飛(快艇)可以直接到達,需時大約45分鐘。船飛要$150/位,來回則要$300/位。(需注意:如天氣不穩定,船家會取消船程)

人生第一次坐大飛,超快超大浪,如有暈船浪嘅朋友要小心啲啦!

狗狗上船需要配戴好狗口罩及繫上狗帶,才可以上船。

狗狗游水時可能會不小心飲到海水,各位主人緊記要帶備乾淨食水比狗狗,或可以到士多購買。主人們亦可以去士多茶座租借太陽傘,$200(連按金$100);另設有沖身區,需要付費的哦!

同場有不少瑜珈愛好者專誠來打卡呢!整體而言,大浪西灣水清沙幼,但由於附近沒有樹蔭或陰涼嘅地方,各位主人需要做好防曬措施,有需可自備帳篷,或去士多租借太陽傘哦! 🌟整 體 評 分🌟 環境:****

交通︰**

設施︰**

沙灘及水質:*****




715 次查看

最新文章

查看全部

Comments


bottom of page