白色歐陸風餐廳 - Billow🕊
- Hayley
- 2021年9月10日
- 讀畢需時 1 分鐘
已更新：2021年9月20日
前身為大埔小白鷺餐廳，近年成功翻新成白色歐陸風餐廳，附近有花圃及湖景等郊外環境，並設有多個靚景打卡位📸，餐廳戶外地方更可攜帶寵物入場，帶毛孩感受一下歐陸休閒氣氛☀️！
出發餐廳之前，上網睇過評價都幾極端下，餐廳勁難book位...服務態度差...食物味道麻麻...等等，所以上網訂座個陣都勁驚冇位，但好好彩平日都有tea time同晚餐時間！！
餐廳門口有免費泊車，近出口處有大型字牌「小白鷺餐廳」，唔算難搵。餐廳分開室內及室外， 如果帶毛孩的話就要坐室外，室外設有太陽傘、風扇、狗狗水兜及餵食兜供應，總算是dog-friendly。戶外望住水中樂園及湖景都幾寫意的，行出少少仲有木千秋，可以打卡影相！
戶外景色☀️
服務人員的態度都好好，絕對冇網上評價嘅黑面同唔理人，仲不定時為我哋加水呢（亦有可能我哋係非繁忙時間食飯掛？），甚至主動黎搵狗狗玩添！
食物質素方面，我哋叫左南瓜水牛芝士意大利飯、自家手打牛肉漢堡、肉眼扒同黑松露薯條，隨餐附送餐湯/沙律，份量都頗充料，但味道就一般般，配埋個靚景的話都算係咁～另外值得留意，雖然係寵物友善餐廳，但餐廳並冇提供寵物套餐，狗狗只可以「眼光光」望住我哋食so sad:(
Billow bar seafood bistro： 大埔大埔滘紅林路2號白鷺湖互動中心地下B號舖 如果想訂假日時間，記得提早預約哦！
網上訂座：
🌟整 體 評 分🌟
環境：*****
食物：***
交通︰*****
設施︰****
Comentários